​Ирандықтар ЧМ‑2026 стадионы алдында наразылық акциясын өткізді

8 маусым күні Лос‑Анджелестегі стадион маңына 200‑ден астам ирандық диаспора өкілдері жиналып, революцияға дейінгі «Арыстан мен Күн» бейнеленген туларды көтеріп, Иран билігіне қарсы наразылық білдірді, деп хабарлайды Euronews.

Акция Иран құрамасының алғашқы ойынына бірнеше күн қалғанда өтті. 15 маусымда Лос‑Анджелесте Иран құрамасы Жаңа Зеландияға қарсы топтық кезеңдегі алғашқы матчын өткізеді.

Наразылыққа қатысушылардың айтуынша, олардың мақсаты — Ирандағы саяси жағдай мен адам құқықтарының бұзылуына назар аударту, сондай‑ақ ұлттық құраманың Ислам Республикасымен байланысына қарсылық білдіру.

Митинг ФИФА‑ның чемпионат стадиондарына «Арыстан мен Күн» туын алып кіруге тыйым салу туралы шешімі төңірегіндегі дау‑дамай аясында ұйымдастырылды. Бұл ту 1979 жылғы Ислам революциясына дейін Иранның ресми рәмізі болған және бүгінде оппозициялық қозғалыстар мен диаспора үшін символға айналған.

Бүгін, 13:20