​​Испанияда мигранттарды заңдастыру басталды

Испанияда 16 сәуірден бастап шетелдіктердің мәртебесін реттеуге арналған ұлттық бағдарлама іске қосылды. Алғашқы үш күнде 43 мыңнан астам өтініш қабылданды, деп хабарлайды Евронью́с.

Бағдарламаға кемінде бес ай елде тұрған және сотталмаған мигранттар қатыса алады. Оларға бір жылдық, кейін ұзартылатын тұруға рұқсат беріледі.

Үкіметтің есебінше, заңдастыруға жарты миллионға дейін адам қатысуы мүмкін, ал Funcas орталығы бұл көрсеткішті 800 мыңнан астам деп болжайды.

Премьер-министр Педро Санчес бұл қадам еңбек нарығындағы тапшылықты азайтып, көлеңкелі жұмыспен қамтуды қысқартуға көмектеседі деп санайды. Оның айтуынша, Испанияда өмір сүріп жатқан мигранттар басқа азаматтармен тең жағдайда жұмыс істеп, салық төлеуі тиіс.

Қазір елде шетелде туған тұрғындардың саны 10 миллионнан асып отыр. Испания бұған дейін алты рет заңдастыру жүргізген, ал жаңа амнистия Еуропадағы қатаңдату үрдісіне қарама-қайшы келеді.

Оппозиция бұл шара «жаңа мигранттарды шақыру әсерін» тудырады деп сынға алып, әлеуметтік тұрғын үйге қосымша шығын қажет болады дейді. Ал жақтаушылар заңдастыру тек елде бұрыннан тұрып жатқан адамдарға қатысты екенін алға тартады.

Бүгін, 22:35