Испанияда Пикассоның картинасы жоғалып кетті

Телеарнаның хабарлауынша, Пабло Пикассоның 1921 жылы гуашьпен салынған «Гитарамен натюрморт» картинасы 8 қазанда ашылған CajaGranada қорындағы «Натюрморт. La eternidad de lo inerte» көрмесінде көпшіліктің назарына ұсынылуы керек еді. Алайда, көлемі 12,7-де 9 сантиметр болатын шағын туынды діттеген жеріне жетпеді. 

Картинаны Мадридтегі Пио XII жеке үйінен өнер туындыларын тасымалдауға маманданған компания жеткізген. Ол 25 қыркүйекте көрмедегі басқа картиналармен бірге қоймаға қойылған. Атақты туынды енді Гранадаға жеткізілуі тиіс еді. 

Көрме 2 қазан күні басталып, жұмыстар Гранада мәдени орталығына 3 қазан күні сағат 10:00–де жеткізілген. Сол түні картиналар Дейфонтес қалашығында болған. Полиция қызметкерлері суретшінің туындысы осы маңда ұрлануы мүмкін деген болжам жасады. 

Ұлттық полицияның тарихи мұра бригадасы 10 қазанда қордың түсірген шағымынан кейін тергеуді бастаған.

Полицияның хабарлауынша, қазір картинаның қайда екені анықталмаған және ешкім қамауға алынбады. 

Еске сала кетейік, былтыр Колорадода қоймадан Джордж Вашингтонның портреті ұрланды.