Каннабис салынған екі чемодан: Таиландтан есірткі тасыған бойжеткен сотталды

АСТАНА, 22 шілде – Sputnik. Бангкоктен есірткі салынған чемодан тасыған қазақстандық бойжеткен сотталды, деп хабарлайды бас прокуратура.

Алматыда Таиландтан ірі көлемде есірткі тасымалдамақ болған 22 жастағы Қазақстан азаматшасы 16 жылға бас бостандығынан айырылды.

"Бойжеткеннің ақшалай сыйақы үшін Қазақстанға жалпы салмағы 8,8 килограмм каннабис сығындысы салынған екі чемоданды жеткізуге келіскен. Контрабанданың жолы ол Алматы әуежайына ұшып келген бойда бірден кесілді", - дейді Бас прокуратура.

Әлеуметтік желілерде таралатын "оңай табыс" пен тегін саяхат туралы ұсыныстар - халықаралық есірткі схемаларының бір бөлігі. Қылмыстағы рөліне қарамастан, оған қатысқандар қылмыстық жауапқа тартылады, деп ескертті прокуратурадағылар.