Кеген Нарынқол тасжолының учаскесінде су басудан кейін қозғалыс ашылды

"Кеген – Нарынқол" автожолының 20-шақырымында көлік қозғалысы қалпына келтірілді, - деп хабарлайды Tengri Auto Көлік министрлігіне сілтеме жасап.

"Кеген – Нарынқол" автожолының 20-шақырымында көлік қозғалысы қалпына келтірілді, - деп хабарлайды Tengri Auto Көлік министрлігіне сілтеме жасап.

Еске салайық, бұған дейін Кеген – Нарынқол тасжолының 20-шақырымында еріген қар суының салдарынан су өткізу құбыры зақымдалған болатын. Соның салдарынан жол астындағы топырақ шайылып, тасжолдың бір бөлігі опырылған еді.

Осыған байланысты Кеген – Тасашы учаскесінде (0-ден 21-шақырымға дейін) көліктің барлық түрлері үшін қозғалысқа уақытша шектеу қойылды.

Оқиғадан кейін Кеген – Нарынқол тасжолының учаскесінде (0-ден 74-шақырымға дейін) жол қызметтері арнайы техника мен мамандарды тарта отырып, қалпына келтіру жұмыстарына кірісті.

Диаметрі 1,5 метрлік зақымдалған су өткізу құбырының орнына өткізу қабілеті жоғары, өлшемі 2 де 2 метрлік жаңа конструкция орнатылды. Сондай-ақ мамандар топырақты қалпына келтіріп, жаңа жол төсемін төседі және жол жиегіндегі еңістерді нығайтты.

Қазіргі уақытта тасжолдағы көлік қозғалысы ашылып, әдеттегі режимде жүзеге асырылып жатыр. Сонымен қатар жолды жөндеу жұмыстары әлі де жалғасып жатыр.

Google News арқылы жаңалықтарымызды қадағалаңыз