KGIR 2025 Жаһандық инвестициялар жөніндегі форум. Live

24.KZ парақшасынан алынған ақпаратқа сүйене отырып, Qazaq24.com хабарлама жасады..

Астанада Жаһандық инвестициялар бойынша форум өтіп жатыр.

Биылғы кездесу «Трансформация дәуіріндегі жаңа шешімдер: Қазақстан – тұрақты экономикалық дамудың орталығы» тақырыбында ұйымдастырылды.

Форум тәжірибе алмасуға, жобаларды таныстыруға және Қазақстанның инновациялардың өңірлік хабы ретіндегі рөлін нығайтуға бағытталған.

Жаһандық инвестициялар бойынша форумға 50 елден 1000-нан астам адам келді. Іс-шара инвестициялық қоғамдастықтың, бизнестің және мемлекеттік құрылымдардың жетекші өкілдерінің басын қосты. Форум аясында панельдік сессиялар, үздік компанияларды марапаттау рәсімі, екіжақты құжаттарға қол қою, сондай-ақ B2B және B2G форматтарында кездесулер өткізу жоспарланған.

Жаһандық инвестициялар бойынша форумда жалпы сомасы 7,5 млрд АҚШ долларынан асатын 49 коммерциялық құжатқа қол қойылады деп жоспарланған. Бұл Қазақстанның инвестициялық климатына шетелдік серіктестердің жоғары сенімін білдіреді.

Қатысушылар инвестициялық мүмкіндіктерді, тұрақты экономикаларды қалыптастырудағы Қазақстанның рөлін, инфрақұрылым, өнеркәсіп, энергетика, технологиялар және жасыл экономиканың дамуын талқылайды.

Жиын басталғанға дейін біз «Астана» халықаралық қаржы орталығының Басқарушысы Ренат Бектұровтан сұхбат алып, елдің инвестициялық ахуалы жайлы айтты.

Шара аясында ауыл шаруашылығы кешені, тау-кен өндіру және қайта өңдеу өнеркәсібі, теміржол машина жасау, газ тасымалдау жүйесі, индустриялық инфрақұрылым, туризм, білім беру, денсаулық сақтау және өндірісті жергілікті жерлерде дамуына елеулі үлес қосқан үздік шетелдік инвесторларды марапаттау рәсімі өтеді.

Маңызды жаңалықтар мен жаңартуларды өткізіп алмау үшін Qazaq24.com сайтын қадағалаңыз.