Көкшетауда автокөлік жуу орнының аумағында 18 жастағы жігітті ток соғып өлтірді

Көкшетауда 18 жастағы жұмысшыны тоқ соғып, қаза тапты. Оның жанында болған кәмелетке толмаған әріптесі жансақтау бөліміне жеткізілді, - деп хабарлайды Tengrinews.kz тілшісі Almaty.tv-ға сілтеме жасап.

Қайғылы жағдай қаладағы көлік жуу орындарының бірінде болған. Алдын ала мәлімет бойынша, жұмысшылар темір құрылымды бөлшектеу кезінде электр желісіне абайсызда тиіп кеткен. Қатты тоқ соққан жігіт оқиға орнында көз жұмды.

Оның жанында болған жасөспірім шұғыл түрде ауруханаға жеткізілді. Қазір өміріне қауіп төніп тұрған жоқ, жағдайы тұрақты. Оқиғаға байланысты соталды тергеу басталды.

"Науқастың жағдайы тұрақты, өміріне тікелей қауіп жоқ. Ол бірнеше сағат бойы жансақтау бөлімінде дәрігерлердің бақылауында болды. Қазір қажет медициналық көмектің бәрін алып жатыр", — деп хабарлады Ақмола облыстық денсаулық сақтау басқармасының баспасөз қызметі.

Google News арқылы жаңалықтарымызды қадағалаңыз