Кремль Путин мен Уиткофф келіссөздерінің нәтижелері туралы хабарлады

АСТАНА, 23 қаңтар – Sputnik. Ресей президенті Владимир Путин мен АҚШ президентінің елшісі Стивен Уиткофф арасындағы Мәскеудегі келіссөздер мазмұнды және пайдалы болды, деп хабарлады Кремльдің баспасөз хатшысы Юрий Ушаков.

"Келіссөздер шамамен төрт сағатқа созылды және ерекше мазмұнды, сындарлы және өте ашық және сенімді сипатта болды", - деді Ушаков.

Кездесу Астана уақыты бойынша сағат 00:25-те басталды. Ол Сенат сарайында орналасқан Өкілдік кеңсесінде өтті.

Ресей президентінің көмекшісі кездесу қорытындысы бойынша тағы мыналарды мәлімдеді:

Тараптар аумақтық мәселені шешпей, ұзақ мерзімді келісімге келу мүмкін емес екенін мойындады.

Ресей, АҚШ және Украина өкілдері қатысатын қауіпсіздік мәселелері бойынша үшжақты жұмыс тобының алғашқы кездесуі жұма күні Әбу-Дабиде өтеді деп келісілді. Ресейдің қауіпсіздік жөніндегі келіссөздер тобы құрылды және алдағы сағаттарда БАӘ-ге аттанады.

Оның құрамына Ресей қорғаныс министрлігі басшылығының өкілдері кіреді.

Әбу-Дабиге аттанатын Ресей делегациясы Путиннен нақты нұсқаулар алды.

Екіжақты экономикалық топтың басшылары Кирилл Дмитриев пен Стив Уиткофф Әбу-Дабиде кездеседі.

Кездесуде АҚШ-тың Киев және Еуропамен байланыстарының нәтижелері туралы ақпарат алуға баса назар аударылды.

Уиткофф пен Кушнер Давостағы байланыстар, соның ішінде Трамптың Зеленскиймен кездесуі туралы әсерлерімен бөлісті.