Мадрид Украинаға ірі көмек бөлді

Испания Украинаға 817 миллион еуро көлемінде жаңа қолдау пакетін жариялады. Бұл туралы премьер-министр Педро Санчес Украина басшысы Владимимр Зеленскийдің Пиреней түбегіне сапары кезінде мәлімдеді. 

Қаржылай қолдаудың 615 миллион еуросы әскери көмекке, ал 200 миллион еуро инфрақұрылымды қалпына келтіруге бағытталмақ. Сарапшылар бұл қадам Еуропадағы қауіпсіздік құрылымында Мадридтің рөлін көрсететін стратегиялық белгі деп бағалады.

Педро Санчес, Испания премьер-министрі:

- Қомақты қаржының 100 млн-ы НАТО-ның Украинаға көмек бағдарламасы аясында бөлінді. Бұл АҚШ қорғаныс өнеркәсібінде ғана бар жабдықтарды жедел сатып алуға бағытталады.

Дегенмен ел ішінде шешімге қатысты қызу пікірталас басылмай тұр. Қоғамның бір бөлігі Мадридтің халықаралық міндеттемелерді орындауын дұрыс қадам деп бағаласа, екінші бөлігі: «инфляция мен күрделі әлеуметтік жағдайда мұндай шығын орынсыз», – дейді.