Министр әскердегі “әлімжеттіктен” бейхабар болып шықты

Қорғаныс министрі Дәурен Қосанов Қазақстан әскерінде “әлімжеттік” пен заңсыздық туралы білмейтінін айтты, деп хабарлайды Arasha.kz.

«Бұл қалай – заңсыздық? Әскерде әлімжеттік жоқ!» – деді Қосанов сәрсенбіде сенаттағы дәлізде журналистердің сұрақтарына жауап бере отырып. Оған неліктен қаза болған және зардап шеккен сарбаздардың аналарымен кездеспегені жайлы сұрақ қойылды.

Журналисттің Қазақстан әскерінде әр ай сайын сарбаздар өліп жатқаны туралы хабардар екенін сұрағанына Қосанов күліп жауап берді.

«Шын ба?» – деп министр күлімсіреді.

Естеріңізге сала кетейік, 10 қарашада Астанада митингке шыққан қаза болған және зардап шеккен сарбаздардың аналары реформалар жүргізуді талап етіп, ел билігіне бірқатар сұрақтар жолдады. Қорғаныс министрлігі Астанада митингке шыққан аналардың сұракына жауап ретінде әскерлердің қауіпсіздігіне бірінші кезекте көңіл бөлінетінін мәлімдеді.