Наурызнама : Елордада Көрісу күні қалай атап өтіледі?

Egemen.KZ парақшасындағы ақпаратқа сәйкес, Qazaq24.com хабар таратты..

Астана қаласы әкімдігі Наурыз мейрамы қарсаңында елодада 200-ден астам түрлі іс-шара мен акция өтетінін хабарлады. «Наурызнама» Көрісу күнінен басталады. Бұл күні елордадағы ашық алаңдар мен саябақтарда Наурыздың салт-дәстүрлері мен әдет-ғұрыптарын насихаттайтын түрлі мәдени бағдарламалар, театрландырылған қойылымдар ұйымдастырылады, деп жазады Egemen.kz.

Фото: Ерлан ОМАР, «ЕQ»

14 наурыз күні сағат 10:00-де №13 орта мектептің (Өндіріс тұрғын алабы, Шалкөде көшесі, 5) оқушылары «Көрісу күні – Амал мерекесі» акциясын өткізеді.

Мереке аясында мектеп оқушылары шағын ауданда тұратын ардагер ұстаздарды, зейнеткерлер мен тыл еңбеккерлерін арнайы барып құттықтайды. Осы арқылы олар аға буын өкілдеріне құрмет білдіріп, алғыс айтады.

Осы күні сағат 14:00-де Астана қаласының Достық үйі ғимаратында «Ұлы еліміздің Көрісу күні – Амал мерекесі» атты ұлттық киімдегі мерекелік іс-шара өтеді. Іс-шара қазақ халқының құндылықтары мен салт-дәстүрін насихаттауға, этносаралық татулықты нығайтуға арналмақ.

Мерекеге елордалық Қазақстан халқы ассамблеясы жанындағы этномәдени бірлестіктер мен қоғамдық құрылымдардың өкілдері қатысады. Театрландырылған бағдарлама барысында қазақ әндері шырқалып, Қазақстан халқының ұлттық тағамдары таныстырылады.

«Жақсылық жасап жарысайық»: Астанада зейнеткерлер қайырымдылық акциясын өткізді

Сонымен қатар Ақсақалдар кеңесі мен Аналар кеңесінің мүшелері «Көрісу» дәстүрін көрсетеді. Олар ұлттық салт-дәстүрлер туралы әңгімелеп, көпшілікке ақыл-кеңесін айтып, бата береді.

Көрісу рәсімі – ұзақ әрі қыстан кейін көктем қарсаңында адамдардың қауышуын, үлкендерге құрмет көрсетуді, ренішті ұмытып, бірлік пен мейірімділікті дәріптеуді білдіретін тағылымды дәстүр.

Сондай-ақ Наурызды көне мәдени код әрі қазақ халқының өміршең дәстүрі ретінде жан-жақты танытуға арналған «Наурыз жылнамасы» атты ғылыми-этнографиялық конференция мен көрме өтеді.

Астанада демалыс күндері ауа райы қандай болады?

14 наурыз күні сағат 12:00-16:00 аралығында Ататүрік саябағы аумағында «Көрісу күні – Амал мерекесі» атты ауқымды мәдени бағдарлама ұйымдастырылады. Оған мәдениет қайраткерлері, елордалық білім беру мекемелерінің балалар ұжымдары және этномәдени орталықтардың шығармашылық топтары қатысады.

Іс-шара аясында заманауи AI-аймақ та жұмыс істейді.

Астанада цифрландыру жылы аясында «Наурызбай» және «Наурызай» атты аватарлары бар жасанды интеллект көмекшісі әзірленген. Бұл виртуалды кейіпкерлер қала тұрғындары мен қонақтарына мерекелік бағдарлама, сондай-ақ Наурыздың тарихы мен дәстүрлері туралы ақпарат береді.

Сонымен бірге ұлттық музыкалық аспаптар мен қолданбалы өнер бұйымдарының көрмесі ұсынылады.

Астанадағы Орталық саябақ заманауи талапқа сай жаңғыртылады

Сағат 15:00-де «Хан Шатыр» сауда-ойын-сауық орталығында «Tartys Fest» спорттық ойындар фестивалі басталады. Жарысқа спортшылар, қала тұрғындары мен қонақтары қатыса алады.

Бағдарламада арқан тарту, кермеде тартылу, қой көтеру, сондай-ақ жасанды интеллектке қарсы тоғызқұмалақ ойнау сияқты сайыстар өтеді.

Фестивальге 18 жастан асқан барлық ниет білдіруші қатыса алады. Қатысу тегін, тіркеу жарыс басталар алдында сол жерде жүргізіледі. Жеңімпаздарға арнайы сыйлықтар табысталады.

Бұл фестиваль ұлттық спорт түрлерін насихаттауға, салауатты өмір салтын дәріптеуге және тұрғындарды белсенді спорттық шараларға тартуға бағытталған.

Сол күні сағат 12:00-де Сарыарқа ауданындағы Қорғалжын сквері аумағында спорттық-шығармашылық іс-шара өтеді.

Ал Әл-Фараби атындағы Оқушылар сарайында 14-18 наурыз күндері халық ертегілерінің желісімен сахналанған «NAURYZ-2026» мерекелік театрландырылған қойылымы көрсетіледі.

Бұдан бөлек, 14 және 15 наурыз күндері Астанада «Nauryz Sale» атты ауқымды азық-түлік жәрмеңкелері өтеді.

Жәрмеңкеде Қазақстанның түрлі өңірлерінен келген фермерлер мен өндірушілердің өнімдері ұсынылады. Қала тұрғындары мен қонақтары көкөніс пен жеміс-жидек, ет және сүт өнімдері, шұжық, ұн, жарма, наубайхана өнімдері, табиғи шырындар, тосап, бал және басқа да азық-түліктерді қолжетімді бағамен сатып ала алады.

Жәрмеңкелер 14-15 наурыз күндері сағат 10:00-18:00 аралығында мына мекенжайларда өтеді:
• Keryen Joly сауда орталығы (Алаш тасжолы, 35Б);
• Koktal сауда орталығы (Н.Тілендиев даңғылы, 12а);
• Евразия сауда орталығы (Қ.Сәтбаев көшесі);
• Астаналық базар (С.Сейфуллин көшесі, 47);
• Damu Mall (Ж.Нәжімеденов көшесі, 26);
• Шапағат базары (Бөгенбай батыр даңғылы, 69);
• Сауран базары (Алматы көшесі, 3).

Елордада ұйымдастырылатын бұл шаралар Наурыз мейрамының мазмұнын кеңінен танытып, ұлттық дәстүрлерді жаңғыртуға және тұрғындардың мерекелік көңіл-күйін арттыруға бағытталған.

Соңғы жаңалықтар

Астанада автобус апаты неге жиіледі?

Қоғам • Бүгін, 10:26

Субсидияны заңсыз рәсімдеген: Түркістан облысында кооператив басшысы 4 жылға сотталды

Заң • Бүгін, 10:23

Шикізатты ел ішінде өңдеу көлемі артып келеді

Өндіріс • Бүгін, 10:16

Наурызнама онкүндігі аясында «Референдум – 2026» атты онлайн марафон өтеді

Референдум • Бүгін, 10:13

Қазақстанда медициналық көмектің сапасын басқарудың кешенді жоспары бекітілді

Үкімет • Бүгін, 09:58