Норвегияда мұрагер ханшайымның ұлына қатысты сот процесі басталады

Оған 38 қылмыс, оның ішінде төрт зорлау, бұрынғы қызына қатысты тұрмыстық зорлық-зомбылық, бірнеше жол ережесін бұзу және полиция қызметкерлерін аңдыды деген айып тағылып отыр. Егер кінәсі дәлелденсе, ол 10 жылға дейін бас бостандығынан айырылуы мүмкін.

Айыптау қорытындысына сәйкес, кейбір қылмыстар ұйықтап жатқан немесе мас күйінде болған адамдарға жасалған. Алты әйел, оның ішінде Мариус қарым-қатынаста болған екеуі және бір ер адам жәбірленуші деп танылды. Хёйби зорлық-зомбылықтың жекелеген жағдайлары, мүліктік залал, кісі өлтіру қаупі, жылдамдықты арттыру және 2020 жылы 3,5 келі марихуана тасымалдау сынды бірқатар аса ауыр емес айыптарды мойындады. Алайда, ол ең ауыр айыптауларды, соның ішінде зорлауды жоққа шығарады.

Процесс барысында сот жәбірленушілердің, куәгерлердің және сарапшылардың айғақтарын тыңдайды. Техникалық дәлелдер маңызды рөл атқарады. Хёйбидің электронды құрылғыларында полиция көптеген фото және бейнематериалдарды тапты, олардың кейбіреулері айыптау бойынша болжамды қылмыстармен байланысты.

Сот процесі бұқаралық ақпарат құралдарының назарын аударды, оған Норвегия мен басқа елдерден шамамен 200 журналист қатысады деп жоспарланған. Корольдік отбасының өкілдері тыңдауларға қатысуды жоспарлап отырған жоқ. Сот 19 наурызға дейін жалғасады.

Былтыр тамыз айында Норвегия кронпринцессаның ұлы зорлау және тұрмыстық зорлық үшін жауапқа тартылатыны туралы жаздық.

Айта кетейік, мұрагер ханшайымның ұлы туралы кітап елде біраз шу шығарды.