Нөсер жаңбыр мен екпінді жел: үш күндік ауа райы болжамы жарияланды

АСТАНА, 23 сәуір – Sputnik. Қазгидромет 23-25 сәуірге арналған ауа райы болжамын жариялады, деп хабарлайды Sputnik Қазақстан.

Синоптиктердің айтуынша, Мәскеу маңынан жылжып келе жатқан циклон және онымен байланысты атмосфералық фронттар республика аумағында тұрақсыз ауа райын алып келеді.

"Елдің басым бөлігінде найзағаймен жаңбыр жауады, кей уақыттарда нөсер жаңбыр күтіледі. Жекелеген өңірлерде бұршақ түсіп, дауылды жел соғуы мүмкін. Республика бойынша желдің күшеюі, түнгі және таңғы сағаттарда тұман күтіледі", - дейді мамандар.

Батыс өңірлерде күндіз ауа температурасы +7…+18°С дейін төмендесе, солтүстік-батыста +10…+20°С болады.

Республиканың қалған аумағында ауа температурасының біртіндеп көтеріледі деген болжам бар.

солтүстікте +18…+27°С дейін;

орталықта +22…+30°С дейін;

шығыста +20…+28°С дейін, таулы аймақтарда +10…+15°С;

оңтүстікте +27…+32°С дейін, таулы аймақтарда +22°С шамасында;

оңтүстік-шығыста +20…+30°С дейін, таулы аймақтарда +10…+15°С.