Нұржан Тұрсынханов Қаржы нарығын реттеу және дамыту агенттігінің орынбасары болды

Құжатты Ақорда баспасөз қызметі бүгін, 16 қаңтар 2026 жылы жариялады.

"Мемлекет басшысының өкімімен Нұржан Асқарұлы Тұрсынханов Қазақстан Республикасының Қаржы нарығын реттеу және дамыту агенттігі Төрағасының орынбасары лауазымына тағайындалды", – деп жазылған ресми ақпаратта.

Нұржан Тұрсынханов 2003 жылы Ноттингем университетін "Экономика" мамандығы бойынша бітірген. 2020 жылы Назарбаев Университетінде "Басшыларға арналған іскерлік әкімшілеу" бағдарламасы бойынша білімін толықтырды.

Тұрсынханов еңбек жолын 2003 жылы "HSBC Банк Қазақстан" АҚ-та бастаған, мұнда ол қазынашылық департаментінде трейдер қызметін атқарған.

2004–2012 жылдар аралығында Қазақстан Ұлттық Банкінің Монетарлық операциялар департаментінде басты дилер және дилингтік операциялар басқармасының орынбасары қызметтерін атқарған.

2012–2015 жылдары Нұржан Тұрсынханов Қазақстан Ұлттық Банкінің "Ұлттық инвестициялық корпорация" АҚ-ның төраға орынбасары қызметін атқарды.

2015 жылдың маусымынан желтоқсанына дейін "Әлеуметтік-кәсіпкерлік корпорация "Алматы" АҚ-ның төраға орынбасары болды.

2015–2019 жылдары Ұлттық Банкінің Монетарлық операциялар департаментінде зейнетақы активтерін басқару басқармасының басшысы және департаменттің орынбасары лауазымдарында жұмыс істеді. 2019 жылдың желтоқсанынан бастап "Ұлттық инвестициялық корпорация" АҚ директорлар кеңесінің мүшесі болып табылады.

2019 жылдың желтоқсанынан 2026 жылдың қаңтарына дейін Ұлттық Банкінің Монетарлық операциялар департаментін басқарды. Ол Ұлттық Банкінің алтын-валюта қорларын, Қазақстан Республикасының Ұлттық қоры активтерін, Бірыңғай жинақтаушы зейнетақы қорының зейнетақы активтерін және Ұлттық Банктің клиенттерінің активтерін басқарды. Сондай-ақ, ол ақша-кредит саясатын жүзеге асыру, қолма-қол шетел валютасымен қамтамасыз ету және мемлекетке афинирленген алтынды сатып алу бойынша басым құқықты іске асыру мақсатында қаржы нарығындағы операцияларды қадағалады.

2019 жылдың желтоқсанынан 2026 жылдың қаңтарына дейін "Ұлттық инвестициялық корпорация" АҚ директорлар кеңесінің мүшесі болды.