Оқу мәдениетін жаңғыртқан Кітап оқитын ұлт жобасының нәтижесі жарияланды

Egemen.KZ дереккөзінен алынған мәліметтерге сүйене отырып, Qazaq24.com түсініктеме жасады..

Ұлттық кітап күні қарсаңында ел көлемінде жүзеге асқан «Кітап оқитын ұлт» жобасының қорытындысы шығарылып, жеңімпаздар марапатталды. Іс-шараға Парламент Мәжілісінің Спикері Ерлан Қошанов, зиялы қауым өкілдері мен жоба қатысушылары қатысты. Пилоттық жоба аясында 8 ай ішінде 190 мыңға жуық адам қамтылып, шамамен 2 млн кітап оқылды, деп хабарлайды Egemen.kz.

Жоба Шымкент қаласы мен Қарағанды, Қостанай облыстарында жүзеге асырылды. Бастаманың негізгі мақсаты – қоғамда тұрақты оқу мәдениетін қалыптастыру және Қазақстанды әлемдегі ең көп кітап оқитын он елдің қатарына қосу. Осы бағытта жаңа формат – кітап оқу марафоны енгізілді.

Бүгін – Ұлттық кітап күні

Жиында сөз сөйлеген Ерлан Қошанов бұл бастама Мемлекет басшысының кітап оқу мәдениетін ілгерілету жөніндегі тапсырмасы аясында қолға алынғанын атап өтті. Оның айтуынша, кітап оқитын ұлт қалыптастыру – елдің зияткерлік әлеуетін арттырудың басты тетігі.

Соңғы жылдары елімізде кітапхана ісі де жанданып келеді. Атап айтқанда, кітапханалар жаңартылып, жаңа нысандар ашылып жатыр. Соның нәтижесінде өткен жылы кітапханаға келушілер саны 57 млн-ға жетіп, 2024 жылмен салыстырғанда 4,1% артқан. Сонымен қатар, онлайн кітап сатылымы 50% өскен. Назар аударарлығы – оқырмандардың әрбір үшіншісі бала.

«Ұлттық кітап» республикалық байқауының жеңімпаздары марапатталды

Мәдениет саласын қолдау бағытында нақты шаралар қолға алынған. Соның ішінде жазушыларға арналған «Қазақстанның халық жазушысы» атағы қайта беріліп, авторлық қаламақы мәселесі шешімін тапты. Сондай-ақ отандық баспалар қосылған құн салығынан босатылып, кітаптың қолжетімділігі артты.

Жоба 6 бағыт бойынша ұйымдастырылды – «Кітап оқитын әулет», «Кітап оқитын мемлекеттік қызметші», «Кітап оқитын университет», «Кітап оқитын колледж», «Кітап оқитын мектеп» және «Кітап оқитын педагог». Қатысушылар үшін қазақ және орыс тілдерінде 15 кітаптан тұратын арнайы тізім бекітіліп, сол шығармалар негізінде түрлі зияткерлік сайыстар өтті.

Байқау бірнеше кезеңнен тұрды – алдымен ұйымдар мен оқу орындары деңгейінде басталып, кейін аудандық, қалалық және облыстық кезеңдерде жалғасты. Нәтижесінде 462 адам жеңімпаз атанып, оның 156-сы бірінші орын иегері болды.

Президент отандастарымызды ұлттық кітап күнімен құттықтады

Жоба аясында өңірлерде кітап оқу орталықтары жұмыс істеп, тұрғындар арасында кітапқа деген қызығушылық артқаны байқалды. Бұл бастама тек бір реттік науқан емес, ұлттың рухани дамуына бағытталған жүйелі жұмыс ретінде жалғасын табады.

Соңғы жаңалықтар