Ормуз бұғазындағы танкерге оқ атылды

BBC-дің хабарлауынша, оқиға Оманнан солтүстік-шығысқа қарай шамамен 20 теңіз милі (37 шақырымға жуық) қашықтықта болғаны айтылды. UKMTO капитанға сілтеме жасай отырып, кеме мен экипаждың қауіпсіз жағдайда екендігін мәлімдеді.

Сонымен қатар Reuters агенттігіне үш дереккөздің айтуынша, кемінде екі сауда кемесі бұғаздан өтуге әрекет жасаған кезде атқыланған.

Кеме қатынасы саласындағы дереккөздердің мәліметінше, кейбір кемелерге Иран әскери-теңіз күштері Ормуз бұғазының қайтадан жабылғаны және барлық кемелер үшін өтуге тыйым салынғаны туралы хабарлама жіберген.

Айта кетейік, Иран АҚШ-тың теңізді бұғаттауына байланысты Ормуз бұғазының қайта жабылғанын мәлімдеді.