Өзбекстан футболшылары жанкүйерлердің ықыласына бөленді

Фото: Өзбекстан футбол қауымдастығы

Еске сала кетейік, футболдан әлем чемпионатына алғаш рет қатысып отырған Өзбекстан құрамасы алғашқы кездесуінде Колумбиядан 1:3 есебімен жеңілді.

Ойыннан кейін футболшылар киінетін бөлмені тазалап, «Мексика, көп рақмет! Әлем чемпионатында сәттілік! Рахмат!» деп жазба қалдырған.

Фотосурет Өзбекстан футбол қауымдастығының ресми Telegram-арнасында жарияланды. 

Айта кетейік, топтық кезеңнің екінші турында, 23 маусым сағат 22:00-де Өзбекстан құрамасы Португалиямен кездеседі. Ал 24 маусымда таңғы сағат 07:00-де Колумбия құрамасы Конго Демократиялық Республикасына қарсы алаңға шығады.

Еске сала кетейік, бүгін Мексика Оңтүстік Корея құрамасын жеңіп, келесі кезеңге жолдама алды. Сондай-ақ Канада құрамасы әлем чемпионатының топтық кезеңіндегі екінші ойында жеңіске жетті.