Папа тирандар туралы сөзінің Трампқа арналмағанын мәлімдеді

Понтификтің айтуынша, өткен аптада айтылған бұл сөз екі апта бұрын, яғни «президент мен туралы пікір білдірмей тұрып әлдеқайда ертерек» жазылған. Бұл туралы ол Анголаға ұшып бара жатқанда журналистерге берген сұхбатында айтты.

– Дегенмен, бұл сөзіме мен президентпен тағы да пікірталасқа түскісі келіп отыр дегендей қарады. Ал менде ондай ниет мүлде болған жоқ, – деді Папа.

Бейсенбі күні Камерунда сөйлеген сөзінде Лев XIV миллиардтаған қаржыны қырып-жою мен қиратуға жұмсауға көз жұма қарайтын, ал емдеу, білім беру және қалпына келтіруге қажетті ресурстарды таппай отырған көшбасшыларды сынға алды. Осы кезде оның Дональд Трамппен сырттай пікір алмасуы бірнеше күн бойы жалғасып жатқан еді.

Бұған дейін Трамп дүйсенбі күні Папаны қылмыс мәселесінде әлсіз және сыртқы саясатта өте нашар деп атаған болатын.

Одан бұрын Папа Трамптың 8 сәуір кешінде «иран өркениеті жойылады» деген мәлімдемесін сынға алған еді. Кейін АҚШ пен Иран ультиматум мерзімі аяқталар сәтте бітімге келгенін жариялаған.

Осыған байланысты Камерундағы сөзді көпшілік Трампқа бағытталған деп қабылдап, АҚШ президенті оған жауап беріп үлгерді.

– Папа қалағанын айта алады, мен де оның еркін сөйлеуін қалаймын, бірақ онымен келіспеуім мүмкін, – деді Трамп.

Айта кетейік, Папа мен АҚШ президенті арасындағы сырттай пікір қайшылығы соңғы күндері халықаралық ақпарат құралдарының назарын аударып отыр.

Яғни Трамп Рим Папасы Лев XIV-ті сынға алды. Ал Рим Папасы демократияның «көпшіліктің тираниясына» айналу қаупін сынады.