Павлодарда анасы мен баласы үйінде өлі табылды

Көршілердің айтуынша, пәтерде зейнеткер мен оның 36 жастағы ұлы тұрған.

Мәйіттер табылған кезде пәтерден өзіне-өзі қол жұмсау туралы хат табылды. Онда қылмыстың себебі ретінде әкесінің өлімі көрсетілген. Біраз уақыт бұрын ер адамның әкесі қайтыс болған.

Павлодар облыстық полиция департаменті сотқа дейінгі тергеу басталғанын хабарлады.

— Павлодар қалалық полиция басқармасы қала тұрғынын өлтіру және оның ұлының өз-өзіне қол жұмсауы фактілері бойынша сотқа дейінгі тергеп-тексеру жүргізіп жатқанын хабарлаймын, — дейді облыстық полиция департаменті бастығының орынбасары Сафуан Жампейісов.

Анықталғандай, күдікті қылмыс жасағаннан кейін өз-өзіне қол жұмсаған.

Бұған дейін Қостанай облысында әйелі мен баласын өлтірді деген күдікпен ер адам ұсталды.