Қайраттың жарақат алған ойыншылары қатарға оралды Спорт порталы

"Қайрат" командасы ҚПЛ-2025 маусымының 25-туры аясында өтетін "Қызылжарға" қарсы ойынға арналған бастапқы құрамын жариялады, деп хабарлайды Vesti.kz.

Кездесу бүгін Петропавлда өтеді және сағат 15:00-де басталады.

Бұл ойында шабуылшы Дастан Сатпаев негізгі құрамда алаңға шығады. Ол қазан айында Қазақстан құрамасының 2026 жылғы әлем чемпионатының іріктеу ойындарын жарақатына байланысты өткізіп алған еді.

Сонымен қатар, жарақатынан айыққан қақпашы Темірлан Анарбеков те алаңға оралады. Ол 14 қыркүйекте "Ақтөбемен" болған ойында жақ сүйегін сындырып, бір айға жуық уақыт алаңнан тыс қалған болатын. Оның орнын басқан Шерхан Қалмұрза бұл жолы матчты қосалқы құрамда бастайды.

Команданың капитаны Александр Мартынович та негізгі құрамда шықпайды. Ойынға Валерий Громыко капитан болып шығады.

"Қайраттың" "Қызылжарға" қарсы бастапқы құрамы: Анарбеков, Мата, Сорокин, Широбоков, Тапалов, Арад, Қасабулат, Громыко (к), Жоржиньо, Мрынский, Сатпаев.

Посмотреть эту публикацию в Instagram

Публикация от «Қайрат» ФК | FC Kairat Almaty (@f.c.kairat)

24 турдан кейін алматылық "Қайрат" командасы 55 ұпай жинап, ҚПЛ-2025 турнир кестесінде көш бастап тұр. Алматылықтар басты қарсыласы "Астанадан" екі ұпайға алда келеді.

Ал "Қызылжардың" еншісінде 24 ұпай бар, команда қазіргі таңда тоғызыншы орында орналасқан.

Еске салайық, чемпионаттың алғашқы айналымында "Қайрат" өз алаңында петропавлдықтарды 1:0 есебімен жеңген болатын.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport