Қайтып келмес күндерді еске алып, жылап аламын... : Мақпал Жүнісова 20 жыл бұрынғы видеоны жариялады

Халық әртісі, әнші Мақпал Жүнісова марқұм Заманбек Нұрқаділовті есіне алды, - деп жазды Aikyn.kz.

Әнші әлеуметтік желідегі парақшасында 20 жыл бұрынғы отбасылық видео жариялады.  

“Топырағыңыз торқа болсын! Қайтып келмес күндерді қарап, бір күліп, бір жылап, өтіп жатқан өмір. Құсымызға дейін ән салатын еді. Атын Айша деп қойғанбыз. 10 жыл ғана өмір сүрді. Зәкеңнің алдында екі ай бұрын ғана суық тиіп өліп қалды. Мені Зәкеңнен қызғанатын. Зәкең жұмысқа кеткен бойда маған ұшып келіп, “Макуша, жақсысың сен” жейтін. Мен Қытайға концертке кеткенде құсты үйдегі қыздар шомылдырып, торын дұрыс жаппаған. Содан суық тиді. Өзім болғанда екі сағатқа торын көрпемен орап тастаушы едім. Қазақша ән салады. “Сен қайда жүрсің?” деген әнді үйреткен едім. Оны түсірген видеоны өшіріп алдым. Зәкеңнің құсына дейін ақылды еді”, – деп жазды әнші.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.