Қар жауып, тұман басады: 23 наурызға арналған ауа райы болжамы

Синоптиктер 23 наурызға Қазақстанның 16 облысы мен Астана қаласында дауылды ескерту болатынын болжады, – деп хабарлайды Aikyn.kz

Астананы күндіз тұман басады. Ақмола облысы – күндіз және кей жерлерде тұман, жел оңтүстік-батыстан, батыстан соғып, қар жаууы мүмкін.

Жетісу аймағы – күндіз оңтүстік, орталық және таулы аудандарда жаңбыр, найзағай соғады. Қарағанды облысында таңертең жол тайғақ болып, батыс, солтүстік, шығыста тұман басады. 

Алматы облысы – күндіз солтүстік, оңтүстік және таулы аймақтарда жаңбыр, найзағай; түнде оңтүстік пен таулы аудандарда тұман болады.

Атырау облысы – түнде шығыста жаңбыр, найзағай; солтүстік, оңтүстік және шығыста тұман. Ұлытау облысы – солтүстік, шығыс және орталықта тұман.

Абай облысы – түнде және таңертең солтүстік, шығыс, оңтүстікте тұман. 23–25 наурызда ауа температурасының күндізгі +5…+10°С, оңтүстікте +13°С дейін көтерілуіне, түнгі температураның 0…+5°С болуы мен 24 наурызға болжанған жауын-шашынның әсерінен қардың қарқынды еруі күтіледі. 

Шығыс Қазақстан облысы – солтүстік, шығыс, оңтүстікте тұман басады. Соған қарамастан 23–25 наурызда қардың қарқынды еруі мүмкін. Ақтөбе облысы – түнде және таңертең батыс, оңтүстікте тұман; оңтүстікте күндіз жел соғады.

Маңғыстау облысы – батыс, оңтүстік, орталықта тұман. Павлодар облысы – оңтүстік, шығыс тұман; түнде және таңертең жолдар тайғақ.

Жамбыл облысы – батыс, оңтүстік, шығыс, таулы аудандарда жаңбыр, найзағай, таулы аудандарда қарқынды жаңбыр; оңтүстікте және таулы аудандарда тұман басады.

Түркістан облысы – батыс, оңтүстік, таулы және төбелі аудандарда жаңбыр, найзағай ойнайды. 

Қостанай облысы – солтүстік, шығыс, оңтүстікте тұман. Солтүстік Қазақстан облысы – түнде және таңертең солтүстік, шығыс, оңтүстікте жол тайғақ; батыс, солтүстік, оңтүстікте тұман болмақ 

Батыс Қазақстан облысы – батыс, солтүстік, шығыста тұман. 24–30 наурызда ауа температурасының +13…+22°С дейін көтерілуіне және жауын-шашын әсерінен қардың қарқынды еруі мүмкін.