Қара Депо мен Химпоселок тұрғындары жол жөндеуден зардап шегуде

Атыраудағы Элеваторный ықшамауданы (қазіргі Құттығай батыр көшесі) төрт айдан бері жабық тұр. Жергілікті тұрғындардың айтуынша, бұл уақыт ішінде белсенді жөндеу жұмыстары байқалмаған, ал көлік пен жаяу жүргіншілер қозғалысы едәуір қиындаған.

«Бұл жақын маңдағы үйлердің тұрғындарына, мекеме қызметкерлеріне және балаларын мектепке, балабақшаға апаратын ата-аналарға үлкен қолайсыздық туғызуда. Қара Депо мен Химпоселок аудандарынан келетін адамдар күн сайын жабық жолды айналып өтуге мәжбүр. Әсіресе бұл қарттар, мүмкіндігі шектеулі жандар үшін және ауа райы қолайсыз күндері өте қиын», — дейді тұрғындар Атырау қаласының әкімі Шәкір Кейкинге жолдаған үндеуінде.

Халық жөндеу не себепті ұзаққа созылып жатқаны және оның нақты қашан аяқталатыны туралы түсінік беруді сұрайды.

Қалалық әкімдіктің хабарлауынша, Құттығай батыр көшесінде (бұрынғы Элеваторная) асфальт жабынының төменгі қабатын бетон қоспаларымен нығайту және инженерлік желілерді ауыстыру жұмыстары жүріп жатыр.

«ТКШ басқармасының мәліметінше, бұл 2026 жылға өтпелі жоба. Негізгі жұмыстарды аяқтау келесі құрылыс маусымына жоспарланған. Алайда, осы жылдың соңына дейін мердігер ұйым асфальттың төменгі қабатын төсеп, автокөлік қозғалысын қайта ашуды көздеп отыр», — делінген ресми жауапта.

Анастасия ШЕРСТЯНКИНА

Бүгін, 18:34