Қаржы министрі орташа жалақының көлемін айтты

АСТАНА, 10 маусым – Sputnik. Қаржы министрі Мәди Такиев орташа жалақының көлемін айтты, деп хабарлайды Sputnik Қазақстан тілшісі.

Үкіметтің есебіне сәйкес, 2025 жылдың қорытындысы бойынша экономика 6,5%-ке өсті. 2024 жылы бұл көрсеткіш 5% болған.

"Бұл ретте инфляциялық қысым сақтала отырып,12,3% деңгейінде қалыптасты. Орташа айлық жалақы 442 мың теңге деңгейінде қалыптасса, жұмыссыздық деңгейі жыл бойы тұрақты 4,6%-ті құрады", - деді Такиев мәжілістің бүгінгі отырысында.

Министрдің айтуынша, экономикалық өсімге көлік, құрылыс, тау-кен өнеркәсібі және сауда салалары айтарлықтай ықпал еткен.

Айта кетері, бүгін мемлекеттік қарыздың көлемі де жарияланған болатын.