Қауіпті көршілестік: Шымкентте шаян шаққандардың саны артып келеді

Шымкентте күн ысығалы шаяндар белсенділігі артты. Олардың шағуынан 80 адам медициналық көмекке жүгініп үлгерді. Олардың жартысына жуығы ауруханаға жатқызылды, деп хабарлайды TengriHealth тілшісі 24.kz сілтеме жасап.

Шымкентте күн ысығалы шаяндар белсенділігі артты. Олардың шағуынан 80 адам медициналық көмекке жүгініп үлгерді. Олардың жартысына жуығы ауруханаға жатқызылды, деп хабарлайды TengriHealth тілшісі 24.kz сілтеме жасап.

Дәрігерлердің айтуынша, шаяндар тұрғын алаптарда жиі кездесе бастаған. Олар аяқ киімнің ішіне, төсек астына, перделерге және ылғалды бөлмелерге жасырынуы мүмкін. Медицина мамандары әсіресе жеке сектор мен жаңа құрылыс аумақтарының тұрғындарына сақ болуды ескертеді.

"Мұндай жерлерде шаян шағу жағдайлары жиірек болады. Далада олар ылғалды жерлерде – арықтар мен өзен жағасында кездеседі. Адамдар жерге, кейде төсенішсіз де жата береді. Тым болмаса қайырмалы төсек немесе соған ұқсас қорғаныс құралдарын пайдаланған жөн", - деп түсіндірді Шымкент қалалық гипербариялық оксигенация орталығының бас дәрігері Мәдина Ермаханбетова.

Шаян шаққанда қатты ауырсыну сезімі болып, ол аяқ-қолдың ұюы, бас айналу, тыныстың тарылуы және жалпы әлсіздікпен ұласуы мүмкін екені атап өтілді. Зардап шеккендер тез арада медициналық көмекке жүгінуі тиіс.

Бұған дейін Ақмола облысында 17 жастағы жасөспірімнің кене шаққаннан кейін жансақтау бөліміне түскені хабарланған болатын. Белгілі болғандай, кене баланы мамыр айының ортасында шаққан. Алайда оның отбасы медициналық көмекке бірден жүгінбеген. Біраз уақыттан кейін жасөспірімнің жағдайы күрт нашарлаған.

Google News арқылы жаңалықтарымызды қадағалаңыз

жәндіктер

Денсаулық

Шымкент