Қазан айында жемқорлық бойынша 83 құқықбұзушылық анықталды

2025 жылдың қазан айында Қазақстанда сыбайлас жемқорлық бойынша 83 құқықбұзушылық тіркелді. Бұл туралы  Ұлттық қауіпсіздік комитетінің баспасөз қызметі мәлімдеді, деп хабарлайды Arasha.kz.

2025 жылғы қазан айында ҰҚК-нің сыбайлас жемқорлыққа қарсы іс-қимыл бойынша қызметінің нәтижелері туралы. Қазанда барлығы 83 құқықбұзушылық тіркелді. Олар Қылмыстық кодекстің келесі баптары бойынша сараланған.

189-бап (сеніп тапсырылған бөтен мүлікті иемдену немесе ысырап ету) – 12;

190-бап (алаяқтық) – 16;

195-бап (алдау немесе сенімді теріс пайдалану арқылы мүліктік зиян келтіру) – 1;

206-бап (ақпаратты заңсыз жою немесе түрлендіру) – 1;

361-бап (қызметтік өкілеттіктерді теріс пайдалану) – 2;

362-бап (билікті немесе қызметтік өкілеттіктерді асыра пайдалану) – 3;

364-бап (кәсіпкерлік қызметке заңсыз қатысу) – 1;

366-бап (пара алу) – 26;

367-бап (пара беру) – 11;

368-бап (парақорлыққа делдалдық жасау) – 4;

380-бап (билік өкіліне күш қолдану) – 1;

394-бап (заңсыз көші-қонды ұйымдастыру) – 2;

414-бап (заңсыз ұстау, қамауға алу немесе қамауда ұстау) – 1;

433-бап (қылмысты жасыру) – 2», – делінген хабарламада.

Сотқа 54 қылмыстық іс жіберілген, оның ішінде:

жеке өмірге қол сұғу және жеке деректер туралы заңнаманы бұзу – 1 іс;

мүлікті иемдену немесе ысырап ету – 1 іс;

алаяқтық – 17 іс;

пара алу – 19 іс;

пара беру – 11 іс;

парақорлыққа делдалдық жасау – 5 іс.