Қазақ әзербайжан келіссөздерінде көлік логистика саласына назар аударылды

Кездесуде көлік-логистика саласына баса назар аударылды.

Әсіресе Транскаспий халықаралық көлік бағдарының әлеуетіне басымдық берілді. Былтыр бұл бағытта жүк тасымалдау көлемі 62 пайызға өсіп, 4,5 миллион тоннаны құрады. Биылғы көрсеткіш те жақсы. Президент шетелдік серіктестермен бірге шектеулерді жойып, дәліз бойында бірыңғай ұзақ мерзімді тариф орнатуға жұмыс істеп жатқанын жеткізді. Ендігі жоспар - жүк тасымалының көлемін 10 миллион тоннаға дейін жеткізу. Сондай-ақ порттардағы терминалдардың қуатын арттыру. Осы ретте саясаткерлер жүк экспортына арналған жаңа Транскаспий паром жүйесін құру мүмкіндігін талқылаған. Одан бөлек Қазақстан мұнайын Баку – Тбилиси – Жейхан бағдары бойынша тасымалдау жөніндегі бірлескен жұмысқа назар аударылды. Былтыр Әзербайжан арқылы бұл шикізат транзиті бір жарым миллион тоннаға жуықтады. Жақын арада мұны айтарлықтай ұлғайту көзделіп отыр. Ильхам Әлиев те жұмыс қорытындысына көңілі толатынын айтып, міндеттердің бәрі орындалып жатқанын жеткізді.