Қазақстан БӘӘ ге рейстерді қайта бастайды

Air Astana әуекомпаниясы Қазақстан мен БАӘ арасындағы тұрақты әуе қатынасының кезең-кезеңімен қалпына келтірілетінін хабарлады. Сөз Таяу Шығыстың бірқатар елдерінің әуе кеңістігіндегі шектеулерге байланысты бұған дейін тоқтатылған Алматы және Астана қалаларынан орындалатын рейстер туралы болып отыр, - деп хабарлайды Tengri Travel.

Air Astana әуекомпаниясы Қазақстан мен БАӘ арасындағы тұрақты әуе қатынасының кезең-кезеңімен қалпына келтірілетінін хабарлады. Сөз Таяу Шығыстың бірқатар елдерінің әуе кеңістігіндегі шектеулерге байланысты бұған дейін тоқтатылған Алматы және Астана қалаларынан орындалатын рейстер туралы болып отыр, - деп хабарлайды Tengri Travel.

Рейстер қашан басталады?

Әуекомпания мәліметінше, рейстер кестеге біртіндеп қайтарылады.

Алматы - Дубай - Алматы:

15–21 маусым: аптасына 2 рейс (сенбі, жексенбі); 22–28 маусым: аптасына 4 рейс (бейсенбі, жұма, сенбі және жексенбі); 29 маусым – 5 шілде: аптасына 6 рейс (сейсенбіден басқа күндері күн сайын); 6–12 шілде: аптасына 7 рейс (күн сайын).

Астана - Дубай - Астана:

10–19 шілде: аптасына 3 рейс (жұма, сенбі, жексенбі); 20–26 шілде: аптасына 4 рейс (сейсенбі, жұма, сенбі, жексенбі); 27 шілде – 2 тамыз: аптасына 5 рейс (дүйсенбі және сәрсенбіден басқа күндері); 3–9 тамыз: аптасына 7 рейс (күн сайын).

"Әуекомпания Алматы-Дубай-Алматы бағыты бойынша тұрақты рейстерді 20 маусымнан бастап, ал Астана-Дубай-Астана бағыты бойынша 10 шілдеден бастап қайта бастауды жоспарлап отыр. Иранның әуе кеңістігінің жабылуына байланысты, қауіпсіз және сенімді әуе қатынасын қамтамасыз ету мақсатында ұшулар Пәкістан арқылы жүзеге асырылады", - деді компания өкілдері.

Билеттері 31 шілдеге дейін қайта брондалған жолаушыларға: 20 маусымнан бастап - Алматыдан Дубайға, 10 шілдеден бастап - Астанадан Дубайға ұшуға тегін қайта брондау ұсынылады.

"Әуекомпания өңірдегі оқиғалардың дамуын бақылап отыр және Таяу Шығыстағы жағдайға байланысты ұшу кестесіне түзетулер енгізуі мүмкін, сондай-ақ қосымша өзгерістер болған жағдайда жолаушыларға хабарлайды", - деп толықтырды әуе тасымалдаушысы.

Әуе қатынасы не себепті тоқтатылды?

Бұған дейін компания рейстерді түзетуге және тоқтата тұруға мәжбүр болды, бұған себеп - өңірдегі шектеулер. Атап айтқанда, Иран, Израиль, Сирия, Ирак, Иордания және Ливанды қоса алғанда, бірқатар елдің әуе кеңістігінің жабылуы мен ұшуға салынған тыйымдар туралы сөз болды.

Кейінірек жағдай тұрақтала бастады. Біріккен Араб Әмірліктерінің Азаматтық авиация бас басқармасы уақытша сақтық шараларының күшін жою және әуе кеңістігін ашу туралы мәлімдеді.

Google News арқылы жаңалықтарымызды қадағалаңыз

Жазылу