Қазақстан Барысы 2025 турниріне қатысатын балуандар салмақ өлшеді

Аталған шарада биылғы жарысқа қатысатын 43 балуан көпшіліктің алдында таразыда тұрып, спортшылардың салмағы тіркелді.

Фото: Солтан Жексенбеков / Kazinform

Осыған дейін хабарлағанымыздай, 14-ші мәрте алауы тұтанғалы отырған финалдық жарыс 18 қазан күні елорда төріндегі Жақсылық Үшкемпіров атындағы жекпе-жек сарайында өтеді.

Фото: Солтан Жексенбеков / Kazinform

Турнирге еліміздің барлық облысы мен ірі қалаларындағы іріктеу кезеңдерінің жеңімпаздары қатысады. Сонымен қатар өткен жылғы «Қазақстан Барысы — 2024» турнирінің жеңімпазы Ерасыл Қажыбаев және «Әскер Барысы» сайысынан екі спортшы додаға қосылады.

Фото: Солтан Жексенбеков / Kazinform

Биылғы турнирдің жалпы жүлде қоры 27 000 000 теңге. 1-орын үшін — 15 000 000 теңге. 2-орын үшін — 3 300 000 теңге. 3-орын үшін — 1 080 000 теңге. Сонымен қатар, әр жеңіске жеткен белдесуі үшін балуанға 100 000 теңге беріледі.

Естеріңізге сала кетейік, осыған дейін «Қазақстан Барысы — 2025» турниріне қатысатын 43 балуанның есімін жариялаған едік.