Қазақстанда кешірілген рэпер Navai гастрольдік сапарын жалғастыруда

Молдовада қайтадан ресейлік рэпер Navai-дың (Наваи Бәкіров) концертіне билеттер сатыла бастады, іс-шара 16 қазаннан 2026 жылдың 8 желтоқсанына ауыстырылды. Бұл музыкант Қазақстанда ұсталғаннан кейін босатылып, оған қатысты қылмыстық іс тоқтатылып, елден шығарылғаннан кейін болды, деп хабарлайды Tengri Life.

Бұған дейін Қазақстандағы тергеу амалдарына байланысты концертті кейінге қалдыруға тура келді, ал билеттер сатылымы уақытша тоқтатылған болатын. Енді жанкүйерлер орындаушының өнер көрсетуіне қайтадан билет сатып ала алады.

Navai-дың Кишиневтегі концерті қашан өтеді?

Navai-дың концерті 2026 жылғы 8 желтоқсанда Chișinău Arena алаңында өтеді.

"Әртіс Молдова жұртшылығына жеке концертімен оралады", - делінген ұйымдастырушылардың хабарламасында.

Билет құны орын санатына байланысты. Ұйымдастырушылардың мәліметінше, концерт билеттерінің бағасы орын санатына қарай 500-ден 24 000 молдова лейіне дейін (шамамен 12,5 мыңнан 599 мың теңгеге дейін).

Концерт ауыстырылғанға дейін билет сатып алған көрермендерге оны қайта сатып алудың қажеті жоқ: бұрын сатып алынған билеттер жаңа күн үшін жарамды болып қалады.

Navai-дың ұсталуы туралы не белгілі?

14 қазанда Қазақстанда шетелдік орындаушы Navai-дың ұсталғаны белгілі болды. Полиция мәліметінше, әнші 13 қазанда "Қордай" шекара бекетінде ұсталған. Операцияны полицейлер шекарашылармен бірлесіп жүргізді.

Бакиров мінген автокөлікті тексеру кезінде есірткі заты табылып, тәркіленді. Есірткі заттарының контрабандасына оқталу күдігі бойынша сотқа дейінгі тергеу басталды.

Әнші уақытша ұстау изоляторына қамалды. Кейін сот оны екі айға қамауға алуды санкциялады.

14 қазанда Астанада Navai-дың концерті өтуі керек еді. Алайда іс-шара тоқтатылды немесе белгісіз мерзімге ауыстырылды. Ұйымдастырушылар мұны техникалық себептермен түсіндірді.

Ал Қырғызстанда рэпер Navai-дың шекарадан есірткімен қалай өткені тексерілетіні хабарланды.

Ресейлік рэпер Navai-дың ұсталуына қатысты жағдайға Қазақстанның Сыртқы істер министрлігі пікір білдірді. Толығырақ мына сілтеме арқылы оқыңыз.

Кейінірек Жамбыл облыстық полиция департаменті музыкантқа қатысты қылмыстық істің тоқтатылғанын хабарлады. Ведомство бұл шешімнің ақталмайтын негіздер бойынша қабылданғанын нақтылады.

"Келіп түскен сауалдарға байланысты ресейлік рэп орындаушысына қатысты қылмыстық іс оның құқық бұзушылықты алғаш рет жасағанын, қылмыстық-процестік заңнама талаптарына сәйкес іс-әрекетіне өкініш білдіргенін ескере отырып, ақталмайтын негіздер бойынша тоқтатылғанын хабарлаймыз", - делінген полиция хабарламасында.

Процестік шешімді қадағалаушы орган - прокуратура бекітті. Іс тоқтатылғаннан кейін Navai Қазақстан аумағынан шығарылды.

"Ақталмайтын негіздер бойынша" деген тұжырым істің тоқтатылуы адамның кінәсіз деп танылуын білдірмейтінін білдіреді. Сондықтан қылмыстық қудалауды тоқтату туралы шешімді соттың ақтау үкімінен ажырата білу маңызды.

Бұған дейін орындаушының адвокаты Рена Керимова қорғау тарапының Бәкіровті кепілмен босатуға тырысып жатқанын хабарлаған болатын. Ол ықтимал кепіл сомасын атаған жоқ.

Navai деген кім?

Наваи Бәкіров - тегі әзербайжандық ресейлік рэпер және әнші. Ол HammAli & Navai дуэтінің мүшесі ретінде кеңінен танылып, кейін жеке мансабын жалғастырды.

Оның танымал әндерінің қатарында "Пустите меня на танцпол", "Прятки" және "Девочка-война" бар. Музыкант сонымен қатар қазақстандық орындаушылармен, соның ішінде Jah Khalib-пен бірлесе жұмыс істеген.

Тағы оқыңыз: Navai сотты бола ма және Қазақстанға қашан орала алады? Адвокат жауап берді

Бізді Google-дың негізгі дереккөздер тізіміне қосыңыз

Қосу