Қазақстанда күн +25 градусқа дейін жылынып, найзағай ойнайды

"Қазгидромет" синоптиктері 21, 22 және 23 наурызға арналған ауа райы болжамын ұсынды, - деп хабарлайды Tengrinews.kz.

"Қазгидромет" синоптиктері 21, 22 және 23 наурызға арналған ауа райы болжамын ұсынды, - деп хабарлайды Tengrinews.kz.

Қай аймақтарда жаңбыр, қар және найзағай күтіледі?

Болжам бойынша, атмосфералық фронттардың өтуіне байланысты кей күндері Қазақстанның солтүстігі мен оңтүстік бөлігінде жауын-шашын (жаңбыр, қар) жауып, жел күшейеді, ал елдің оңтүстігінде күндіз найзағай ойнайды.

"Республика бойынша тұман, көктайғақ болады деп болжанған. Ал қалған аумақтарда жауын-шашынсыз ауа райы күтіледі", - деді синоптиктер.

Температура көрсеткіштері

Күндіз ауа температурасы Қазақстанның батысында 12-17 градус жылыға дейін, Маңғыстау облысында 18-23 жылыға дейін, республиканың солтүстігі мен орталығында 3-8 жылыға дейін, Ұлытау облысында 15-20 жылыға дейін, елдің шығысында 5-15 жылыға дейін, оңтүстігінде 20-25 жылыға дейін, оңтүстік-шығысында 15-23 градус жылыға дейін көтеріледі деп күтілуде.

Наурызда Қазақстанда ауа райы қандай болады?

Синоптиктер болжамы бойынша, 2026 жылғы наурызда Қазақстанда күн жылы болады және елдің басым бөлігінде жауын-шашын мөлшері нормадан көп түседі.

Ауа райы тұрақсыз болады деп күтіледі: солтүстікте — қар жауып, боран соғады, оңтүстік пен батыста — жаңбыр мен жылбысқы қар жауады. Температура жалпы алғанда климаттық нормадан шамамен 1 градусқа жоғары болады, сонымен қатар қысқа мерзімді суытулар болуы мүмкін.

Следите за нашими новостями в Google News

Подписаться