18 градусқа дейін аяз Қазақстанда күн күрт суытады

"Қазгидромет" синоптиктері 16, 17 және 18 сәуірге арналған ауа райы болжамын ұсынды, деп хабарлайды Tengrinews.kz тілшісі.

"Қазгидромет" синоптиктері 16, 17 және 18 сәуірге арналған ауа райы болжамын ұсынды, деп хабарлайды Tengrinews.kz тілшісі.

Қар мен аяз

Болжамға сәйкес, 16-18 сәуір аралығында Қазақстандағы ауа райын екі барикалық түзілім қалыптастырады; батыстан шығысқа қарай жылжитын циклон ауа райының тұрақсыз сипатын тудырып, жауын-шашын, кей уақыттарда қатты жауын-шашын (жаңбыр, қар) күтіледі.

"Кезеңнің соңына қарай республиканың солтүстік, шығыс және орталық аймақтары солтүстік антициклонның ықпалында болып, күн суытады деп болжанады", - деді метеорологтар.

Қазақстан бойынша тұман түсіп, жел күшейеді, еліміздің солтүстігінде, шығысында және орталығында көктайғақ болады.

Температура көрсеткіштері қандай болмақ?

Ауа температурасының төмендеуі күтіледі:

кезеңнің басында солтүстікте түнде -1...-8 градусқа дейін, күндіз +1...+8 градусқа дейін, кезеңнің соңында шығыста түнде -2...-18 градусқа дейін, күндіз 0...+13 градусқа дейін төмендейді.

Синоптиктер мәліметінше, Қазақстанның қалған аумағында температуралық фонда айтарлықтай өзгерістер күтілмейді.