Қазақстандық әйел қарыз беру үшін несие алды бұл оқиға сотпен аяқталды

Жамбыл облысындағы сот азаматтық істі қарады. Даудың мәні қолхат бойынша қарыз беру, деп хабарлайды Tengrinews.kz облыстық соттың сайтына сілтеме жасап.

Оқиға облыс тұрғынының танысынан қарыз сұрауынан басталған: ақша ұлының ломбардтар алдындағы берешегін өтеуге қажет болған-мыс. Ол қарызды үш ай ішінде толық қайтаруға уәде беріп, өз қолымен қолхат жазып берген.

Уәдеге сенген екінші әйел өз атына несие рәсімдеп, 525 мың теңге аударған.

Үш ай өтсе де, ақша қайтарылмайды. Сонымен қатар, танысы қоңырауларға жауап беруді қойып, соталды талап-арызды елеусіз қалдырған, тіпті тұрғылықты жерін ауыстырып жіберген.

"Сот, дәлелдемелерді, соның ішінде қолхат пен қолма-қол ақшаны беруді растайтын құжаттарды зерттеп, мәлімделген талаптардың дұрыстығы туралы қорытындыға келді. Сот шешімімен талап қою қанағаттандырылды: жауапкерден 525 мың теңге мөлшерінде негізгі қарыз сомасы, сондай-ақ сот шығыстары өндірілді", - деп хабарлады соттағылар.

Тағы оқыңыз: Борышты тек қолхат арқылы өндіруге бола ма? Қарағандыдағы ерекше сот

Google News арқылы жаңалықтарымызды қадағалаңыз