ҚазМұнайГаз да кен орындарын игеру бағыты бойынша жаңа басшы тағайындалды

Бұл қызметке Талғат Жақсылықов келді, деп хабарлайды PetroCouncil.kz.

Талғат Жақсылықов Уфа мемлекеттік мұнай техникалық университетін «Мұнай және газ кен орындарын игеру және пайдалану» мамандығы бойынша бітірген.

Ол еңбек жолын мұнай-газ саласында 2015 жылы бастаған. Әр жылдары техник, инженер, аға және жетекші инженер, бас маман, департамент директоры, сондай-ақ «ҚМГ Инжиниринг» ЖШС-де жобаның бас инженері қызметтерін атқарған.

2023 жылдан бастап осы тағайындауға дейін филиал директорының геология және игеру жөніндегі бірінші орынбасары болған.

Компания мәліметінше, Жақсылықовтың ғылыми салада да тәжірибесі мол. Ол мұнай бергіштігін арттыру әдістері мен ұңғымаларды бұрғылау бағытында маманданған және бірнеше ғылыми еңбектің авторы болып табылады.

Бүгін, 15:25