Қызылорда облысында жәрмеңкеге 154 тонна өнім шығарылды. Live

Республика күні Қызылорда облысында ерекше сән-салтанатпен аталып өтіп жатыр.

Мереке мемлекеттік Ту көтеру рәсімімен басталды. Ізінше өңір бойынша өтіп жатқан «Таза Қазақстан» экологиялық акциясымен жалғасты. Ал Шиелі ауданында «Алтын күз» мерекелік шарасы ұйымдастырылып, ауыл шаруашылығы өнімдерінің жәрмеңкесі өтіп жатыр.

Шиелі ауданындағы «Алтын күз» мерекесі ауыл шаруашылығы өнімдерінің жәрмеңкесімен басталды. Диқан қауым ала жаздайғы еңбектің жемісін нарықтағыдан 20 пайыздай арзан бағада сатты.

57 жүк көлігіне тиелген 154 тонна өнім ұсынылды. Оның ішінде 20 тонна ақ күріш, 40 тонна көкөніс бар. Бақша, картоп, ет, сүт өнімдері де молынан жеткізілген. Мерекелік шаралар «Алтын дән, қызыл қырман, ән думан» атты театрландырылған қойылыммен жалғасты. Сонымен қатар жер емген еңбеккерлердің жетістіктері сараланып, үздіктері марапатталды. Биыл ауданда 31 мың 500 гектардан астам жерге егін егілді. Оның 12 мың гектардан астамы күріш алқабы. Сыр маржанының әр гектарынан орташа 60 центнер өнім жиналды, - дейді мамандар. Қазір менің жанымда аудандық ауыл шаруашылығы бөлімінің басшысы Мұрат Әшірбеков тұр. Биыл өңірде су тапшы болды.

Айта кетейік, биыл өңірде 190 мың гектарға жуық жерге ауыл шаруашылығы дақылы егілді. Оның ішінде 80 мың гектардан астамы күріш алқабы. Диқандар күріштің әр гектарынан 58 центнерден астам өнім алды.