Red Bull Dance Your Style Астанада: нағыз ыстық атмосфера, энергия және набережнаяда 50 ден аса биші

Әр баттл импровизацияға, мінезге және көрермендер реакциясына толы жеке бір оқиғаға айналды.

Red Bull Dance Your Style — бұл 1x1 форматындағы халықаралық көше биі баттлдары, мұнда қатысушылар күтпеген тректермен шығып, көрермендерді тек техникасымен емес, харизмасымен, музыкалық сезімімен және залмен жұмыс істей білуімен де сендіруі керек. Дәл осындай формат бидің тек жарыс емес, орындаушы мен аудитория арасындағы тірі байланыс екенін тағы бір мәрте көрсетті.

Іс-шараға арнайы қонақ ретінде ALPHA тобы қатысты. Олар көрермендермен бірге баттлдарды тамашалап, өз таңдауларымен дауыс берді. Олардың қатысуы күннің атмосферасын одан сайын күшейтті.

Сурет: MEGOGO

Іріктеу қорытындысы бойынша Қарағандыда өтетін ұлттық финалға жолдама алған екі жеңімпаз — Bauka_Seifullin және n1kodeus. Екі биші де қарсыластарының деңгейі жоғары болғанын, музыканың күшті болғанын және ауа райының ыстығына қарамастан күннің атмосферасы ерекше әсер қалдырғанын атап өтті.

Bauka_Seifullin іріктеудің өзіне өте әсерлі өткенін айтты: "Бүгін бәрі керемет өтті, атмосфера өте мықты болды, адамдар көп келді, музыка да ұнады, өте жақсы бэнгерлер қойылды. Жалғыз ғана қиындығы — ыстық болды, бірақ бұл да бәріміз үшін тағы бір сынақ. Егер сен әлемдік финалға барсаң, ол жақта да ыстық болуы мүмкін, сондықтан кез келген жағдайға дайын болу керек".

Ол сондай-ақ қатысушылар деңгейінің өте жоғары болғанын атап өтті: "Бүгінгі барлық қатысушылар мықты деңгейде болды, әрқайсысының өз стилі, өз мінезі, өз энергиясы бар. Өте керемет болды: бәрі жеңгісі келді, ешкім жеңілгісі келмеді, бұл анық байқалды".

Сурет: MEGOGO

Биші үшін танымның мәні де ерекше екенін айтты:"Мен үшін би — өмірімнің үлкен бөлігі. Бұл мотивация, спорт, шабыт және адамдармен керемет байланыс. Бұл — ішінен түсініп, терең тану керек мәдениет".

Көрермендер жеңімпазды анықтайтын формат туралы айтқанда, ол былай деп қосты:"Бұл — кәсіби биші үшін өте қызықты сынақ. Ол көпшілік алдында билей ала ма, би арқылы энергияны көрерменге жеткізе ала ма — осыны көрсетеді. Егер бұған қол жеткізсе, демек ол бұл сынақтан өтті".

Екінші жеңімпаз n1kodeus та ұйымшылдық пен тартысты бәсекені ерекше атап өтті:"Ыстыққа байланысты өзімді онша жайлы сезінбедім, бірақ сахнаға шыққанда бәрі керемет болды. Сахна да, ұйымдастыру да жоғары деңгейде, бәрі ұнады".

Ол барлық баттлдардың өте мықты өткенін айтты:"Қарсыластардың бәрі өте күшті болды, менің жеңгеніме әлі де сене алмай тұрмын". Бишінің айтуынша, Red Bull Dance Your Style форматы оған әсіресе қатысушылар мен көрермен арасындағы тірі байланысымен жақын: "Биші тек билеп қана қоймайды, қарсыласымен де, көрерменмен де "сөйлеседі", түрлі жергілікті қимылдар жасайды, мемдер, қызық дүниелер қосады. Соның арқасында эмоциялық алмасу одан әрі күшейеді".

Сурет: MEGOGO

Қарағандыда өтетін ұлттық финалдан күтетіні де қарапайым әрі шынайы: "Тек нағыз күшті баттл көргім келеді, бәрі өзін тежемей, ауа райы да қолайлы болып, нағыз шоу көрсетілсе деймін".

Ол сондай-ақ мұндай іс-шаралардың елдің танылуына ықпал ететінін айтты: "Осындай жобалардың арқасында бізді ел ретінде көбірек таниды. Қазақстанда өте мықты бишілер көп, және біздің ел түрлі стильдерде өте жақсы таныстырылып жүр".

Күні бойы жағалауда 1000-нан астам көрермен осы оқиғаның бір бөлігіне айналды — дәл солар әр баттлдың үздігін таңдап, Red Bull Dance Your Style-дың әрдайым лық толы алаң жинауына себеп болатын ерекше атмосфераны қалыптастырды.

Келесі іріктеу 8 тамызда Алматыда өтеді, ал қатысуға арналған тіркеу іс-шараның сайтында ашық. Үздік бишілер Қарағандыда өтетін ұлттық финалға жолдама алып, онда 30 тамызда маусым жеңімпазы анықталады. Ал жеңімпаз осы күзде Швейцарияның Цюрих қаласында өтетін әлемдік финалда Қазақстан намысын қорғайды.