Ресей Иранға көмектесті ме? Владимир Соловьев шұғыл мәлімдеме жасады

Ресейлік пропагандист Владимир Соловьев Ресейдің Таяу Шығыстағы шиеленіс кезінде Иранға әскери көмек көрсетпеуінің себебін түсіндірді, деп хабарлайды Arasha.kz.

Бұл туралы ол өзінің кешкі телебағдарламасының эфирінде айтты. Соловьевтің сөзінше, Мәскеу мен Тегеран арасында толыққанды стратегиялық әріптестік туралы келісім жасалмаған, сондықтан Ресей Иранға тікелей көмек көрсете алмай отыр.

Сонымен қатар ол бұл жағдайға белгілі бір деңгейде Иранның өзі де жауапты деген пікір білдірді.

"Иранның өздері кінәлі. Бізден көмек сұрағанын біреу естіді ме? Мен естіген жоқпын. Ал Қытайдан көмек сұрағаны туралы ақпарат бар", – деді Соловьев.

Оның айтуынша, Ресей мен Иран арасындағы қарым-қатынаста әртүрлі ведомстволар арасындағы бюрократиялық мәселелер де кедергі келтіруі мүмкін.

Айта кетейік, соңғы уақытта Таяу Шығыстағы жағдай шиеленісіп, Иран мен Израиль арасындағы қақтығысқа байланысты халықаралық қауымдастықтың назарында тұр.