Ресей Қорғаныс министрлігінің бұрынғы бірінші орынбасары Руслан Цаликов ұсталды

Тергеу комитетінің мәліметінше, оған қылмыстық қауымдастық құрды деген айып тағылған. Цаликовқа қаржыны ысырап ету және заңсыз табысты заңдастыру бойынша 12 эпизод, сондай-ақ пара алу бойынша 2 эпизод бойынша айып тағылды, деп хабарлайды Arasha.kz. 

Цаликов 2012 жылдан 2024 жылға дейін Қорғаныс министрінің орынбасары қызметін атқарған. Оған дейін Ресейдің Төтенше жағдайлар министрлігінде және Мәскеу облысы үкіметінде басшылық қызметтерде жұмыс істеген. Сондай-ақ екі күн бойы Мәскеу облысы губернаторының міндетін уақытша атқарған.

Сергей Шойгу Қорғаныс министрі қызметінен кеткеннен кейін Цаликов «Единая Россия» партиясынан Тыва Республикасының Жоғарғы Хуралының депутаты болған.