Ресейде Apple ге қарсы іс қозғалды

Ресей Федералдық монополияға қарсы қызметі (ФАС) Apple компаниясына қатысты іс қозғады, деп хабарлайды АА. 

Бұған себеп — iOS жүйесіндегі құрылғыларға ресейлік бағдарламалық қамтамасыз етуді алдын ала орнату талабын орындамауы.

Заңнамаға сәйкес, елде сатылатын техникада отандық немесе ЕАЭО елдерінің іздеу жүйесін әдепкі бойынша қолдану мүмкіндігі болуы тиіс. 

Apple 27 шілдеден бастап жаңартылған iOS нұсқасында мұндай мүмкіндік енгізгенін хабарлады. Алайда компания ескертудің шарттарын толық орындаған жоқ: «Макс» мессенджері мен Rustore қосымшалар дүкенін алдын ала орнату мәселесі шешілмеді.

ФАС атап өткендей, іс «Бәсекелестікті қорғау туралы» заңға сәйкес қозғалды. Егер заң бұзушылық расталса, компанияға Әкімшілік құқық бұзушылық кодексі бойынша айыппұл салынуы мүмкін.

Бүгін, 12:06