​Ресейдегі су тасқыны қаупіне байланысты Жайыққа су жіберу көлемі көбейді

Ресейдің Орынбор облысында 15 қаңтардан бастап Елек су қоймасынан су жіберу секундына 90 текше метрге дейін көбейтілді. Бұл шара су қоймасын босату және көктемгі су тасқынын қабылдауға дайындық үшін қабылданды.

Хабарланғандай, су жіберудің бұл режимі 10 ақпанға дейін күшінде болады. Осыдан кейін мамандар гидрологиялық жағдайға қосымша талдау жүргізіп, одан әрі шешім қабылдайды.

Жайық өзенінің ағысы бойынша жоғарыда — Башқұртстан мен Челябі облыстарында күзде соңғы жылдардағы орташа көрсеткіштен екі есе көп жауын-шашын түскені атап өтілді. Бұл көктемдегі судың келу көлеміне айтарлықтай әсер етуі мүмкін.

Бұған дейін, 16 желтоқсанда Елек су қоймасы су жіберу көлемін екі есеге — секундына 30-дан 60 текше метрге дейін көбейткен болатын. Ол кезде судың келуі секундына шамамен 26 текше метрді құрады.

Бүгін, 11:54