Reuters: Трамп Зеленскийді Вашингтонда қабылдамақ

Дереккөздердің мәліметінше, Владимир Зеленский АҚШ-қа баруға мүдделі. Оның командасы Ақ үйден Дональд Трамптың жұмыс кестесіне қатысты ресми растауды күтуде.

Сондай-ақ украиналық және америкалық ресми тұлғалар Ресейге келіссөздердің жаңа кезеңі аясында ұсынылатын атысты тоқтату туралы бастаманы талқылағаны айтылды.

Зеленский Украина Қарулы күштерінің бас қолбасшысын қызметінен босатты

Бұған дейін Владимир Зеленский АҚШ-тың арнайы өкілдері Стив Уиткофф пен Джаред Кушнермен Ресеймен бейбіт келіссөздерді қайта жандандыру мүмкіндігін талқылаған. Ол украиналық және америкалық шенеуніктердің алдағы күндері АҚШ-та кездесу өткізуі ықтимал екенін де мәлімдеген.

АҚШ пен Украина президенттері соңғы рет 2025 жылдың желтоқсан айының соңында кездескен.

Трамп пен Зеленский G7 саммитінде кездесті

Маусым айының басында Владимир Зеленский Ресей президенті Владимир Путинге ашық хат жолдап, «Украина соғысты сіз бен біздің арамыздағы форматта аяқтауды ұсынады» деп мәлімдеген еді. Өз кезегінде Владимир Путин әзірге Зеленскиймен кездесуді жоспарламайтынын айтқан.