РФ СІМ: Таяу Шығыстағы жағдайдың әскери шешімі жоқ

Ресей сыртқы істер министрлігінің ресми өкілі Мария Захарова Таяу Шығыстағы шиеленісті әскери жолмен шешу мүмкін емес екенін мәлімдеді, деп хабарлайды АА.

Оның айтуынша, АҚШ пен Израильдің Иранға қарсы агрессиясын дереу тоқтатып, саяси-дипломатиялық реттеу процесін бастау қажет.

«Біздің ел бастапқыдан-ақ бұл агрессияны тоқтату керектігін, жағдайдың ешқандай әскери шешімі жоқ екенін айтқан. Аймақта өз тәртібін орнатуға бағытталған әрекеттер сәтсіздікке ұшырады. Нағыз келіссөздерге негізделген саяси-дипломатиялық реттеу қажет», – деді Захарова.

Ол сондай-ақ «біржақты агрессивті, арандатусыз шабуыл тәсілі күйреген жеңіліске ұшырады» деп атап өтті.

Бұған дейін АҚШ президенті Дональд Трамп Иранмен екі аптаға өзара бітімге келіскенін, бірақ ол Ормуз бұғазының толық ашылуы шартында жүзеге асатынын жариялаған еді.

Бүгін, 11:44