Сапта қыздар да бар: Қарағандыда жас сарбаздар ант қабылдады

ІІМ Ұлттық ұланы «Орталық» өңірлік қолбасшылығының мәліметінше, биылғы рәсімнің ерекшелігі – қыздардың да Әскери ант қабылдауы болды. 

Сарбаздар әскери ант қабылдады

Салтанатты іс-шараға әскери бөлімнің қолбасшылығы, ардагерлер, жас сарбаздардың ата-аналары мен жақындары қатысты. Жиналғандар жас жауынгерлердің ел қауіпсіздігін абыроймен қорғайтынына сенім білдірді. Рәсім барысында жас сарбаздар патриоттық ән орындап, көпшіліктің ыстық ықыласына бөленді.

Әскери ант – әрбір әскери қызметшінің өміріндегі ең маңызды әрі жауапты кезеңдердің бірі. Қыздардың әскери қызмет жолын таңдауы – ерлік пен Отанға адалдықтың тағы бір айғағы.

Бұған жейін хабарлағанымыздай, Сербияның Ниш қаласында және Ливерпульде (Ұлыбритания) топ жарып, бокстан екі дүркін әлем чемпионы атанған Алуа Балқыбекова әскери ант қабылдаған еді.