Сеул Цюрих рейсі Қазақстан аспанында төтенше жағдай жариялады

SWISS әуекомпаниясының Airbus A350 ұшағы Қазақстан аумағының үстінен ұшып бара жатқанда апаттық сигнал берді. Flightradar24 сервисі мәліметінше, борт Балқаш маңында болып, кейін Алматыға бағытталған, - деп хабарлайды Tengri Travel.

SWISS әуекомпаниясының Airbus A350 ұшағы Қазақстан аумағының үстінен ұшып бара жатқанда апаттық сигнал берді. Flightradar24 сервисі мәліметінше, борт Балқаш маңында болып, кейін Алматыға бағытталған, - деп хабарлайды Tengri Travel.

Әңгіме Сеулден Цюрихке бет алған рейс туралы болып отыр.

Ұшуларды бақылау сервисі мәліметінше, ұшақ Squawk 7700 кодын берген. Бұл — экипаждар борттағы штаттан тыс жағдайды білдіру үшін қолданатын халықаралық апаттық сигнал. Мұндай код нақты бір мәселені көрсетпегенімен, диспетчерлерге ұшаққа басымдық беріп, сүйемелдеу қажет екенін хабарлайды.

Жарияланым шыққан сәтте Flightradar24-те рейстің барысын 9 мыңға жуық адам бақылап отырды.

Скриншот: Flightradar24

Swiss International Air Lines (сонымен қатар SWISS ретінде де танымал) — Швейцарияның ең ірі әуекомпаниясы. Тасымалдаушы Еуропа елдеріне, Солтүстік және Оңтүстік Америкаға, Африка мен Азияға тұрақты рейстер орындайды.

Апаттық сигналдың берілу себептері туралы ресми мәліметтер әзірге жоқ. Редакция Азаматтық авиация комитетіне, Төтенше жағдайлар министрлігіне және Қазақстанның Көлік министрлігіне сауал жолдады. Жарияланым шыққан уақытқа дейін жауап түспеді.

Google News арқылы жаңалықтарымызды қадағалаңыз