Шығыс Қазақстан тұрғыны сирек кездесетін тарихи қару тауып алды

АСТАНА, 8 шілде - Sputnik. Риддер тұрғыны XIX ғасырға тиесілі сирек қаруды тауып, полицияға өткізді, деп хабарлайды Polisia.kz.

Громотуха өзенінің маңындағы жай ғана серуен 43 жастағы Риддер тұрғыны үшін күтпеген олжамен аяқталды. Ер адам жай ғана темір емес, ғасырлық тарихы бар раритетті атыс қаруын тауып алды. Ол дереу Риддер қалалық полиция бөліміне хабарласып, қаруды полиция қызметкерлеріне табыс етті.

© Photo : ПолицияШығыс Қазақстан тұрғыны сирек кездесетін тарихи қару тауып алды

Шығыс Қазақстан тұрғыны сирек кездесетін тарихи қару тауып алды

© Photo : Полиция

ШҚО полиция департаменті жедел-криминалистикалық басқармасының мамандары жүргізген зерттеу нәтижесінде, полиция қолына нағыз "ардагер" — 8 мм калибрлі Лефоше жүйесіндегі револьвер түскені анықталды.

"Лефоше жүйесіндегі револьверлер — XIX ғасырдың соңындағы аңызға айналған қару. Штаттық оқ-дәрілердің болмауына байланысты оның атысқа жарамдылығын анықтау мүмкін болмағанымен, сарапшылар заттың зауыттық шығу тегін және тарихи құндылығын растады. Бұл — құқық қорғау органдарына дер кезінде өткізілген сирек кездесетін жағдай", — деп атап өтті криминалистер.

Құнды жәдігер есепке алынды.