Шымкентте қаза тапқан 21 жастағы Нұрайдың ақтық демі үзілер сәтіндегі видеосы тарады (ВИДЕО)

Шымкентте пышақ жарақатынан қаза тапқан Нұрай Серікбайдың соңғы сәттері түсірілген бейнежазба әлеуметтік желілерде тарады, деп хабарлайды Arasha.kz.

Бейнебақылау камерасына 11 қаңтар күні кешкі уақытта Нұрай Серікбайдың танысымен бірге кетіп бара жатқан сәті түсіп қалған. Кадрлардан екеуінің арасында жанжал болғаны анық байқалады.

Еске салайық, Нұрай Серікбай 11 қаңтарда Шымкент қаласында демалысқа келген кезінде үйінің маңында көптеген пышақ жарақатын алып, көз жұмған. Күдікті сот санкциясымен қамауға алынды. Қылмысты тергеу үшін тәжірибелі қызметкерлерден құралған арнайы тергеу-жедел тобы құрылып, істің барысы министрліктің бақылауына алынған.

Ведомство өкілдерінің мәліметінше, тергеу аясында барлық дерек жан-жақты тексеріліп жатыр, соның ішінде бейнебақылау камераларындағы жазбалар да мұқият зерделенуде.

Бұған дейін марқұмның күдіктімен таныс болғаны анықталған. Ол Нұрайға үйленуге ұсыныс жасап, қыз бас тартқаннан кейін оны еркінен тыс алып кеткен. Кейін ата-анасы қызын үйіне қайтарғанымен, күдікті оны аңдып, телефон арқылы қоқан-лоқы көрсеткен.