Smart Bolashaq: Білім беруді цифрландыру келешекке бастар жол

Жаһандық әлем өнеркәсіптік және индустриалдық революциялардың жаңа сатысына жылдам өтті. Онда жасанды интеллект (ЖИ) жай құрал емес, қоғамдық трансформацияның негізгі қозғаушы күшіне айналып отыр, – деп хабарлайды Aikyn.kz сайты.

Цифрлық құралдар тұрақты даму, инклюзивтілік, ашықтық және жекелендірілген даму қағидаттарына негізделген оқытудың жаңа философиясын қалыптастыруға мүмкіндік береді.

Заманауи мектеп жай ғана білім беру орны болудан қалып, өмір бойы білім алуға дайындық, өзін-өзі рефлексиялау, ынтымақтастық пен бастамашылдық мәдениеті қалыптасатын мағыналар кеңістігіне айналды

Бұл өзгерістер Қазақстан үшін ерекше маңызды. Білім беру ортасына цифрлық құралдарды тиімді енгізу әлеуметтік капиталдың сапасына, өңірлердің теңгерімді дамуына және әрбір баланың өз әлеуетін іске асыру мүмкіндігіне тікелей әсер етеді.

Smart Bolashaq корпоративтік қоры дәл осы мақсатты көздейді. Яғни, білім беру үдерісіне цифрлық құралдарды енгізу арқылы мектептердің тұрақты дамуы мен оқушылардың әлеуетін жан-жақты дамыту. Бұл технологиялар тәжірибе мен саналы өмірлік таңдау ортасы ретінде жұмыс істейтін жаңа цифрлық инфрақұрылымды құруды көздейді.

«Kàsip Àlemi» кәсіптік бағдар кеңістігі – осындай инновациялық шешімдердің бірі. Бұл – болашақ мамандығын саналы түрде таңдауға ұмтылатын мектеп оқушыларына арналған заманауи әрі ыңғайлы мини-коворкинг. Мектеп ішінде арнайы ұйымдастырылған бұл аймақта оқушылар түрлі мамандықтар, қажетті дағдылар мен мансаптық траекториялар туралы ақпарат ала алады.

«Kàsip Àlemi» интерактивті ЖИ құралымен интеграцияланған, ол оқушының қызығушылықтары мен негізгі дағдыларын талдау арқылы жеке даму траекториясын қалыптастыруға мүмкіндік береді.

Жүйе шеңберінде қолжетімді мүмкіндіктер:

- Жасанды интеллект негізіндегі интеллектуалдық чат;

- Кәсіпті таңдау бойынша жекелендірілген консультациялар;

- Жұмыс істеу мүмкіндіктері, қажетті құзыреттер, жалақы деңгейі және жоғары оқу орындарына түсу мүмкіндіктері туралы толық ақпарат;

- Мектептерге кәсіптік бағдар беру бағдарламаларын тиімді құруға және оқушылардың білім беру қажеттіліктерін болжауға көмектесетін аналитикалық деректер мен диаграммалар.

Бұл цифрлық инфрақұрылым – дәстүрлі ресурстары шектеулі аймақтарда сапалы білім мен әлеуетті саналы түрде іске асыруға мүмкіндік беретін инклюзивті құрал. Ол қазіргі еңбек нарығы мен білім беру жүйесінің негізгі мәселелеріне жауап береді:

- Еңбекке қабілетті халықтың 60%-ы мамандығы бойынша жұмыс істемейді;

- Жас мамандардың 20%-дан астамы алған мамандығы бойынша жұмыс істемейді (колледж түлектерінің – 29%, ЖОО түлектерінің – 17%);

- Мектеп оқушыларының 87%-ы мамандықты таңдағанда ата-анасының пікіріне сүйенеді, ал ата-аналардың 75%-ы баласының кәсіби қалауын білмейді;

- Тек 10%-ы ғана Қазақстанда сұранысқа ие мамандықтар туралы хабардар.

Бұл сандар кәсіптік бағдар беру мен адами капиталды дамытудың дәстүрлі тәсілдерін қайта қарау қажеттігін көрсетеді.

Smart Bolashaq цифрландыруды тек техникалық шешімдер ретінде емес, гуманистік және адамға бағытталған үлгіде жүзеге асырады. Мұнда технологиялар қолжетімділік, тең мүмкіндіктер мен ашықтық құндылықтарына бағынады.

«Kàsip Àlemi» сынды жобалар арқылы қор әрбір оқушының өз мықты жақтарын түсініп, болашақ өмір жолын саналы түрде қалыптастыруына көмектесетін жаңа цифрлық білім беру мәдениетін қалыптастырып отыр.

Бүгінде Smart Bolashaq Қазақстанның 100-ден астам мектебінде технологияларды білім беру үдерісіне сәтті енгізіп, тұрақты экожүйе қалыптастыру арқылы болашақтың цифрлық білім үлгісін жүзеге асыруда.