Соңғы хатын қалдырған : Танымал блогерді өз көлігінде қатігездікпен өлтіріп кеткен (ФОТО)

Мексиканың танымал блогері Исаак Эфраин Валадез өз жүк көлігінің ішінде өлі күйінде табылды. Блогер әлеуметтік желіде алаңдатарлық жазба жариялағаннан кейін қайғылы жағдай орын алған, деп хабарлайды Arasha.kz.

Газета.Ru басылымының жазуынша, марқұм ел ішін аралау мен курьерлік жұмысы жайлы видеоларымен кеңінен танылған. Қайтыс болардан бір күн бұрын ол Facebook парақшасында алдағы сапары оның өміріндегі соңғысы болуы мүмкін екенін меңзейтін жазба қалдырған. Бұл жазба кейіннен оқырмандар арасында қызу талқылауға себеп болды.

44 жастағы Валадез 10 қаңтар күні таңертең өзінің жүк көлігінен табылған. Полицияның алдын ала деректеріне сәйкес, ол қарулы шабуылдың құрбаны болған. Блогерге кемінде жеті рет оқ атылғаны хабарланды, бұл қылмыстың әдейі әрі аса қатігездікпен жасалғанын көрсетеді.

Құқық қорғау органдары оқиғаның барлық мән-жайын анықтау мен күдіктілерді табу үшін тергеуді жалғастырып жатыр.

Исаак Валадез Мексика бойынша саяхаттары мен курьер ретіндегі күнделікті еңбегін көрсететін видеоларымен көпшілікке танылды. Оның әлеуметтік желідегі парақшасында 164 мыңға жуық жазылушы болған. Олар блогердің өмірі мен сапарларын тұрақты түрде бақылап отырған.

Блогердің қазасы қалың көпшілікті есеңгіретіп тастады. Ал өлімінен бір күн бұрын жарияланған жазба оның қауіп-қатерді алдын ала сезген-сезбегені туралы сауал туғызды.