Спорттық көлік жүргізушілері Ақтөбедегі әуежай маңында қауіпті жарыс ұйымдастырды

Ақтөбеде әуежайға апаратын автожолда жарыс ұйымдастырған екі жүргізушіні анықтады, - деп хабарлайды Tengri Auto тілшісі Polisia.kz-ке сілтеме жасап.

Ақтөбеде әуежайға апаратын автожолда жарыс ұйымдастырған екі жүргізушіні анықтады, - деп хабарлайды Tengri Auto тілшісі Polisia.kz-ке сілтеме жасап.

Полиция мәліметінше, бейнебақылау камераларына күндізгі уақытта BMW және Chevrolet автокөліктерінің асқан жылдамдықпен қозғалып, қауіпті маневрлер жасап, іс жүзінде көше жарысын ұйымдастырғаны тіркелген. Олар жол қозғалысы ережелерін өрескел бұзып, басқа жол қозғалысына қатысушылардың өмірі мен денсаулығына нақты қауіп төндірген.

"Жүргізушілердің жеке тұлғалары анықталды. Заң аясында жауапқа тартылды. Көліктер арнайы айып тұрағына қойылды", - делінген хабарламада.

Полиция департаменті жолдағы мұндай әрекеттердің жол берілмейтінін және оның ауыр салдары бар екенін ескертеді.

Google News арқылы жаңалықтарымызды қадағалаңыз