СҚО да балалар нейрохирургі болмағандықтан тұрғындар Астанаға баруға мәжбүр

Бұл мәселе СҚО-дағы Мағжан Жұмабаев ауданында жергілікті депутаттың медицина қызметкерлерімен кездесуінде көтерілді. Тар бейінді маманның болмауынан тұрғындар Астана қаласына баруға мәжбүр.

Аудандық емхана қызметкерінің айтуынша, оның баласына тұрақты бақылау қажет, қазір әр тексеріс үшін Ұлттық нейрохирургия орталығына барады. Қабылдау мен тексеру ақылы негізде жүргізіледі.

Кездесу барысында бұл мәселенің бір ғана отбасыға емес, бірнеше тұрғынға ортақ екені белгілі болды. Жиында сондай-ақ, аудандық емханаға апаратын жолдың жағдайы сынға алынды. Сонымен қатар Жастар ауылы ауылындағы мектептің жабылу қаупі тұрғындарды алаңдатып отыр.

- Облыста балалар нейрохирургының жоқтығы кейінге қалдыруға болмайтын мәселе. Біз оны бұған дейін де көтергенбіз, тағы да министрлікке шығамыз, себебі бұл - ортақ мәселе. Бүгін басқа да проблемалар айтылды. Емханаға апаратын сапасыз жолды әкімдікпен қарастырамыз. Жастар ауылындағы мектепті алып қалу бойынша, осы уақыт ішінде оқушылар санын көбейту бойынша жұмыс жүргізу қажет, - деді аудандық мәслихат депутаты Айзада Рахметова.

Бұған дейін СҚО-да дәрігерлер омыртқаға заманауи әдіспен күрделі ота жасағанын жазған едік.